O EQUIPO DE DINAMIZACIÓN DA LINGUA GALEGA 
CONVOCA
EXPOSICIÓN DE POEMAS
DE AMOR
CO GALLO DE SAN VALENTÍN 

2022

 

                                                                                                        TANXUGUEIRAS
                                 Terra

                     .....non hai fronteiras...

                              As fronteiras son como as meigas
                                    non queremos crer nelas, 
                                    

                                    pero...

                                    HABELAS, HAINAS.

             

                      TANXUGUEIRAS

                                  Terra

                            

Ailara-lalá
Ailara-lala
Ailara-lala
Ailara-lalala

Ailara-lalaa
Ailara-lalaa
Ailara-lala

Esta noite hai foliada
Esta noite hai serán
Agárdoche no terreiro

Compañeiriña leal
Compañeiriña leal
Compañeiriña leal
Esta noite hai foliada

Para cantar veño eu
Coa pandeireta na man
Aturuxa canda min
Que nos escoiten berrar
Que nos escoiten berrar
Que nos escoiten berrar
Coa pandeireta na man

Ailara-lalá
Ailara-lala
Ailara-lala
Ailara-lalala

Ailaralala
Ailaralalaa
Ailaralala
Non hai fronteiras

Canta ti, cantarei eu
Co xeito das nosas nais
Festexaremos a vida

Da xente que está a bailar
Da xente que está a bailar
Da xente que está a bailar
Co xeito das nosas mans

Ailara-lalá
Ailaral-ala
Ailara-lala
Ailara-lalala

Ailara-lalaa
Ailara-lala
Ailara-lala
Ez dago mugarik

Ailara-lalá
Ailara-lalaa
Ailara-lala
Ailara-lalala

Ailara-lala
Ailara-lala
Ailara-lala
No hi ha fronteres

Aí veñen, Aí veñen
Veñen pra quedar
Esas bravas gorxas

De fondo cantar
De fondo cantar
De fondo cantar
Aí veñen, Aí veñen

Veñen pra quedar

Veñen pra quedar
Veñen pra quedar
Veñen pra quedar

Veñen pra quedar
Veñen pra quedar
Veñen pra quedar

Pra quedar, pra quedar

Veñen pra quedar
Veñen pra quedar
Veñen pra quedar

Ailara-lalá
Ailara-lalaa
Ailara-lala
Ailara-lalala

Ailara-lalaa
Ailara-lalaa
Ailara-lalaa
Nun hai fronteres

Ailara-lalá
Ailara-lalaa
Ailara-lala
Ailara-lalala

Ailara-lalaa
Ailara-lalaa
Ailara-lalaa
No hay fronteras

TraducciónAgregar a la playlistTamañoCifradoImprimirCorregir

Escucha TERRA

Compuesta por: Tanxugueiras

                                                                

         

            TANXUGUEIRAS 

        NA FINAL DO BENIDORM FEST

                            

 

                

                     TANXUGUEIRAS 

                            PARA 

                    EUROVISIÓN!!!!

        Benidorm Fest: Tanxugueiras interpreta "Terra" (rtve.es)

O APALPADOR VOLVE AO EUSEBIO DA GUARDA

                             NADAL 2021
               O APALPADOR VOLVE AO EUSEBIO

----------------------------------------------------------------------------      

DECEMBRO 2021 

 

 

 

VOLVE O APALPADOR AO EUSEBIO!!!!!!
 

 

IMOS AGASALLALO CUNS VERSIÑOS QUE CONTEÑAN O SEU NOME....AO XEITO DOS TRADICIONAIS..

 

--------------------------------------------------------------------------------------------------------------------------------------

 

O EQUIPO DE DINAMIZACIÓN DA LINGUA GALEGA CONVOCA O CERTAME: 

OS VERSOS DO APALPADOR

 

PARTICIPA!!!!!!

 BASES:

- Dirixido a: alumnado de ESO.

- Pequeno poema que conteña o nome do Apalpador.

- Tema: o Nadal.

- Lingua: GALEGO.

- Extensión mínima: 6 versos. Extensión máxima: 15 versos.

- Presentación: Tamaño folio (A4). Folio ou cartolina.

- Poden ir complementados con debuxos, pinturas,....

- Nome e curso no fondo da folla, por diante.

- Data de entrega: luns 20 de decembro. No 1º recreo.

              

                                 E CHEGOU AO EUSEBIO:

                        Os versos que lle adicaron rapaces e rapazas:

    O xurado, composto por profesorado e alumnado ditou o seu veredito:

                                            1º PREMIO: AROA ROMERO PAZ, 1º ESO E

                                            2º PREMIO: NICOLÁS ALONSO ÁLVAREZ, 1º ESO A

                                            3º PREMIO: UXÍA GONZÁLEZ VÁZQUEZ, 1º ESO E

                                            4º PREMIO: ALEJANDRA VÁZQUEZ SUÁREZ, 1º ESO E

Coa entrega dos premios, por parte da directora do centro, dona Isabel Ruso, e a coordinadora do EDLG, deuse por cerrada a actividade.

  O Equipo de Dinamización da Lingua Galega do Eusebio da Guarda desexa

FELIZ NADAL 2021 A TODA A COMUNIDADE EDUCATIVA DO EUSEBIO DA GUARDA!

         .........................................E VENTUROSO ANO 2022!!!!!

                                ATA O PRÓXIMO ANO...................................

                        

                         MES DA CIENCIA EN GALEGO

                            Traballos do alumnado de 3º ESO.

        Profesora colaboradora: D. Minia Prego- Física e Química.

 

                       PASAMENTO DE DARÍO XOHÁN CABANA

            O 17 de novembro  o escritor  galego Darío Xohán Cabana finou á idade de 69 anos.

            

                                

D.E.P.

    Poeta, narrador e ensaísta, foi unha das figuras fundamentais da literatura galega de finais do século XX Darío Xohán Cabana (Cospeito, 1952) vén de falecer aos 69 anos. Acaído sería falar de Darío, segundo moitos estudosos da literatura galega, como «o gran poeta de Galicia». Manifestaba que empezara a escribir «por razóns patrióticas, por escribir en galego» e que sentía «un amor desesperado pola terra galega que chega a ser un sentimento físico, real».

      

                 

              FESTA DO MAGOSTO  no EUSEBIO

Mércores 10 de novembro, véspera de San Martiño, desenvolveuse no Eusebio da Guarda a actividade tradicional do Magosto.

O castañeiro repartiu ao alumnado que quixo participar na festa degustando un cucurucho de riquísimas castañas. 

Ademais, segundo a programación anunciada nas aulas, houbo unha pequena actuación para cada un dos niveis, nos respectivos recreos do alumnado, que foi preparada por  grupos de compañeiras (este ano actuaron só alumnas).

Ás 10:15, momento da festa para o alumnado de 1º e 2º de ESO, actuaron na Aula Picasso un grupo de alumnas de 1º A e 1ª E, que bailaron   a "Muiñeira de Chantada", arrancando os aplausos de compañeiros e compañeiras.

Parabéns pola magnífica actuación a  Candela B, Nielsen Sicilia, de 1º ESO A ,  e  Irene Armada Santos, Claudia Milia Malingre, María Torrado Sánchez e Alejandra Vázquez Suárez, de 1º ESO E.

Comprobade neste enlace da canle de youtube do Eusebio:

            https://www.youtube.com/watch?v=SuTVfqHr1OY

Ás 11:15, para o alumnado de 3º e 4º de ESO actuaron, tamén na Aula Picasso, tres alumnas de 3º de ESO: Alejandra Pérez Seijas, de 3ºB, Yolanda Rey Chenlo, de 3º D, e Xulia Rivadulla Losa de 3º E.

Igualmente fantástica a actuación, que levantou os vítores dos presentes.

Aquí tedes o enlace:

https://www.youtube.com/watch?v=aTNTIumz9Yk

Parabéns para o grupo.

Finalmente, ás portas do centro, dúas alumnas de 2º de bacharelato: Carolina Díaz Vázquez, de 2ºB, e Daniela Neira, de 2º C, ofreceron a interpretación de dúas cancións co acompañamento de guitarra. Noraboa a ambas, que recibiron os calorosos aplausos de compañeiros e compañeiras que degustaban as súas castañas na Praza de Pontevedra, ás portas do centro.

Puxeron un punto final musical ao pequeno festival que acompañou este ano 2021 outra vez a festa das castañas no Eusebio da Guarda.

Enlace do vídeo: https://www.youtube.com/watch?v=LUG40Sjgi_s

VÍDEOS DAS ACTUACIÓNS DISPONIBLES NO CANAL DE YOUTUBE  DO CENTRO.

Ata o vindeiro Magosto!

O Equipo de Dinamización da Lingua Galega agradece a colaboración das alumnas que participaron e do profesorado que colaborou na actividade.

 

FESTA  DO MAGOSTO 2021

1O DE NOVEMBRO

 

                        PROGRAMA DE ACTUACIÓNS

 

10:10- AULA PICASSO

          “Muiñeira de Chantada”

          Interpretada por alumnas de 1º ESO A-E

       

11:00- AULA PICASSO

          Baile tradicional.

          Interpretado por  alumnas de 3º ESO

       

 

12:10- HALL DO CENTRO

          Alumnas de 2º de bacharelato B e C

          Interpretan dúas cancións:

          “Fisterra” e “Adélia”

 

 

EQUIPO DINAMIZACIÓN DA LINGUA GALEGA DO EUSEBIO

 

                                        O EUSEBIO DA GUARDA

                

     Luns 8 de novembro desenvolveuse no Eusebio da Guarda a actividade programada polo Equipo de Dinamización da Lingua Galega e o Departamento de Xeografía e Historia, a fin de dar a coñecer ao profesorado o Centro, nunha visita guiada pola profesora do Departamento e directora do Centro, dona Isabel Ruso de Lago, apaixoada estudosa  do edificio  e das súas pequenas e grandes historias.

    Ao fin, xa todas e todos constituímos unha parte desa gran historia, vital para o desenvolvemento da ensinanza na cidade.

    Non cabe dúbida que a directora contribúe, sen desánimo e cun gran coñecemento e paixón,  ao coñecemento da mesma e ao espallamento do orgullo común de formar parte dela.

Un grupo de profesores e profesoras accedimos, guiados por Isabel Ruso, a lugares  ordinarios cunha nova mirada, que nos permitiu coñecer e apreciar aspectos nos que non repararamos do edificio, dos elementos arquitectónicos, das pinturas...Tamén a aqueloutros lugares escondidos e inaccesibles de xeito ordinario, ata chegar o enorme faiado, e o tellado, coas súas vistas marabillosas da nosa cidade, de mar a mar.

Velaquí algunha mostra do noso percorrido:

O EDLG quere expresar a gratitude á profesora de Historia e directora do centro, dona Isabel Ruso, pola visita.

                                        ..............................................

    A profesora dona Dulce Fernández, membro do EDLG , aporta interesantes  fotos que amosan outros momentos da visita. 

    Incorporámolas aquí:

MAGOSTO 2021

                                          MAGOSTO 2021 NO EUSEBIO DA GUARDA

                  Vindeiro mércores 10 de novembro, celebraremos o Magosto, de novo, no Eusebio.

Nos respectivos recreos, os grupos de 1º e 2º de ESO (10:10-10:30 horas), os grupos de 3º e 4º ESO (11:00-11:40 horas) e 1º e 2º de bacharelato (12:10-12:30), poderán celebrar a tradicional festa do outono, con compañeiros e compañeiras.

Apuntádevos, se queredes probar as castañas asadas do castañeiro...!!!!

                                                                                        

DÍA DA CIENCIA EN GALEGO