O Equipo de Dinamización da Lingua Galega organiza a tradicional actividade de decoración das portas das aulas de ESO.
O alumnado, coordinado, dirixido e axudado polo profesorado, especialmente titores e titoras das clases, presentarán ao concurso a súa proposta DE MEDOOOOO!!! neste Samaín.
O premio ao grupo que presente a porta máis terrorífica, orixinal, mellor executada, a xuízo dun esixente xurado composto por directora, coordinadora, profesores, alumn@s....recibirá un caldeiro de chuches....
Aquí tedes as portas de aula de moitos dos grupos de ESO como participantes desta festa de SAMAÍN.
Despois de deliberar un rato, o xurado composto pola directora do centro, a coordinadora do EDLG, a xefa do departamento de Lingua galega e literatura, varios profesores e alumna, decidiron outorgar o primeiro premio á decoración de porta de 3º ESO C, que foi exposta diante da sala de profesorado, atendendo á orixinalidade da idea, á execución da mesma e á implicación do conxunto do alumnado da clase e o titor, Paulo Carballada.
A directora repartiu o premio na aula.
Como agradecemento pola participación e implicación marabillosa dos distintos grupos, o EDLG deixou en cada aula un pequeno paquete de chuches de consolación.
O próximo ano terán todos os grupos outra oportunidade de DAR MEDO coa decoración das portas...e o Equipo de Dinamización da Lingua Galega de celebrar e premiar a creatividade e o traballo de todos e todas.
Ningún comentario:
Publicar un comentario