SAMAÍN  2019

Celebramos, outro ano, a festa do Samaín no Eusebio.

Algúns din que é unha festa importada de América e outros refiren antigas celebracións comúns a Galicia e outras nacións  poboadas polos celtas en épocas moi lonxanas, que se foron pasando de lugar en lugar. Importa?

Nós decidimos celebrar a festa dos mortos coas decoracións DE MEDOOOOO!!! das portas das aulas. Este ano, con especial coidado para non manchar ou deteriorar todo aquilo que se está a arranxar no centro.

Tamén por mor das obras, a decoración soamente será nas aulas de 1º a 3º de ESO.

A aula gañadora recibirá UN CALDEIRO DE CHUCHES de premio.

................

A celebración resultou un verdadeiro éxito.

Cada vez máis conseguidas as decoracións, máis elementos en xogo, incluso pequenas representacións de grupos de alumnado.

O nivel de participación, altíiiiisimo. 

Parabéns a todos os participantes.

Vede as portas decoradas:

E parabéns especialmente aos grupos gañadores: 2º ESO V e 3º ESO D.

Recibiron tamén accésit un grupo de 1º de ESO  e un grupo de 2º de ESO

Benvida ao curso 2019-2020

CURSO 2019-2020

O Equipo de Dinamización da Lingua Galega do IES Plurilingüe Eusebio da Guarda quere  dar a benvida a toda a comunidade educativa e invitar a todos e todas a participar nos labores do equipo. Agardamos que moitos/as  se sumen ao grupo este ano e que as actividades resulten de interese, disfrute e proveito.

Bo curso!

Ruta Pondaliana

RUTA PONDALIANA

29 de abril de 2019
SUMARIO

• Dolmen de Dombate.
• Castro de Borneiro.
• Ofrenda floral ao bardo en Ponteceso.
• Ruta Pondaliana O Val Nativo.
• Praia de Balarés.

Dentro das saídas complementarias organizadas polo Equipo de Dinamización da Lingua galega do IESP Eusebio da Guarda, en colaboración con outros departamentos didácticos, especialmente co departamento de Lingua galega e literatura, o departamento de Xeografía e Historia e o departamento de Bioloxía e Xeoloxía, o luns 29 de abril tivo lugar a saída a Ponteceso, localidade natal do excelso poeta galego Eduardo Pondal, autor da letra do Himno galego.

Acompañados por profesorado dos departamentos citados, alumnado dos cursos de 1º de bacharelato, visitou o dolmen de Dombate e o castro de Borneiro, guiados polo historiador don Ángel Eiroa, a quen agradecemos a súa inestimable colaboración, que explicou amena e pormenorizadamente os importantes restos do noso pasado, tan vinculados á poesía de Pondal.

Posteriormente, tras facer unha ofrenda floral no Monolito adicado ao poeta na Praza do recheo de Ponteceso, así como unha lectura de poemas por parte do alumnado e a interpretación do Himno galego, alumnado e profesorado recorreu a ruta pondaliana O Val Nativo, parando a ler os poemas en cada un dos monolitos conmemorativos.

Ademais de disfrutar da natureza que inspirou ao poeta e observar as aves dende un miradoiro á beira do río Anllóns, tras o xantar na vila natal de Pondal, a viaxe continuou coa visita á praia de Balarés e disfrute do marabilloso entorno natural que inspirou ao poeta.

Concurso de deseño dun logotipo

Saída complementaria 2º ESO: Visita a Lugo

O luns 25 de marzo levouse a cabo a actividade organizada polo Equipo de Dinamización da Lingua Galega (EDLG) deste IESP, en colaboración cos departamentos didácticos de Lingua Galega e Literatura, Xeografía e Historia, Bioloxía e Xeoloxía, e Relixión Católica, para o alumnado de 2º de ESO: VISITA A LUGO.

A actividade incluíu:

• Visita con guías ao Museo Provincial de Lugo
• Visita á Catedral de Lugo.
• Paseo pola cidade histórica de Lugo.
• Paseo ao longo da Muralla romana, coa observación das distintas portas.
• Xantar no parque da cidade, no balcón do Miño.
• Breve visita ás Termas romanas.
• Visita á ponte romana sobre o río Miño.
• Paseo pola beira do Miño

O alumnado estivo acompañado por profesorado dos distintos departamentos didácticos.
Velaiquí algunhas fotos da saída:

Saída complementaria 1º ESO: Visita á Costa da Morte

O luns 1 de abril desenvolveuse a actividade VISITA Á COSTA DA MORTE "Polas paisaxes de Volverás, golfiño, de Andrea Maceiras", para o alumnado de 1º de ESO, organizado/coordinado polo Equipo de Dinamización da Lingua Galega (EDLG), en colaboración con varios departamentos didácticos, e en relación con diferentes proxectos a desenvolver neste curso 2018-2019 (Proxecta 1º ESO: " O noso mar, o noso sustento", Proxecto do EDLG "COÑECER GALICIA").

A actividade incluíu:

• Visita a Camelle.
• Visita á igrexa do Espírito Santo (interior, campás).
• Visita ao entorno do Museo MAN.
• Paseo polo entorno do Areal do Trece, Monte Branco... ata o Cemiterio dos Ingleses.
• Xantar no entorno natural da praia de Ariño.
• Actividade de sensibilización e coidado en relación a ese entorno natural (limpeza posterior ao xantar).
• Sensibilización do alumnado cara á sostenibilidade do marco natural (enerxías renovables, Parque eólico de cabo Vilán).
• Breve visita a cabo Vilán. Foto final do grupo de alumnado e o profesorado acompañante.

O EDLG e profesorado organizador e acompañante agarda que a actividade fora agradable e proveitosa ao alumnado.

As Cantigas dos alumnos, quinta entrega

Autora: Aroa Sánchez González, 3º ESO

As Cantigas dos alumnos, cuarta entrega

Autora: Saray N. Herazo Munive, 3º da ESO.

As Cantigas dos alumnos, terceira entrega

Autora: Aroa Sánchez González

As Cantigas dos alumnos, parte II

Autor: A.D. García Pardavila

As Cantigas dos alumnos, parte I

Velaiquí e desfrutade do primeiro dos traballos feitos por alumnos de 3º da ESO. Axiña virán outros...

Autor: A.D. Moreira Velazco

Samaín 2018

O tempo do Samaín chegou case sen avisar. Aínda así, tiñamos ganas de ter medos e desacougos. Por iso, os alumnos fixeron, nun tempo moi breve, estas decoracións nas portas das aulas...

Unha frase de Eduardo Pondal

"Falade meniñ@s,

 Falade galego"