Pablo García Lagoa (2º Bach. D)

tamén recomenda 

Cousas, de Castelao

 Cousas (1926) é a segunda obra narrativa de Castelao, un dos escritores e expoñentes da literatura galega máis importantes da lingua e da cultura galega. Escritor, dramaturgo, ensaísta, artista plástico,... Castelao soupo abordar en moitas disciplinas o sentir, a historia, a cultura, a vida e a identidade de toda unha nación.

  A obra está composta por corenta e cinco relatos breves, acompañados de ilustracións do propio Castelao. 

    O libro está escrito cun estilo sinxelo, que concentra varios efectos. A estrutura sos relatos están fundamentadas nas estruturas básicas do relato popular, o que permite analizar as circunstancias históricas, sociais e ideolóxicas que o autor transmite da súa vida proxectando unha visión ben estruturada e realista do contexto do primeiro terxo do século XX. Ademais, a narrativa ven acompañada de numerosos recursos e elementos líricos e humorísticos que permiten unha lectura máis amena e divertida. Empregando a lingua popular, o autor segue un modelo de galego culto que contrasta con todas as historias.

    Recomendo este libro porque na súa totalidade, representa unha imaxe moi cercana e realista das costumes, experiencias e a realidade do pobo galego que permite facer unha análise da súa antropoloxía e pensamento; que achégannos relatos sobre as condicións de vida (como no relato O “Rifante”), a emigración (O pai de Migueliño) e a sociedade (Chámanlle a “Marquesiña”). Un libro que representa a historia e as formas de vida no tan lonxanas do noso pobo.